【融合教育】疑SEN同學屢將文具排在兒子枱上　港媽投訴騷擾上堂

升學教育

發布時間： 2021/04/01 13:53

熱門 DSE 逆天奇案2 超市大搜查癌症殺手九龍城寨之圍城新手爸媽名校專區高才通到校服務會員有獎

▲ 一名港媽大呻SEN同學騷擾兒子上課，表示不知如何是好。

老師如何在課堂上照顧有特殊教育需要（SEN）學生可說是一大挑戰。近日有港媽在網上大呻，兒子班上疑有一位患有自閉症的同學，屢將文具和玩具放在兒子的桌面上，如果不從同學便會哭鬧，騷擾兒子上課，遂向網民求助問該如何處理。

疑自閉同學騷擾上課屢勸不聽

一位港媽最近在網上討論區「親子王國」發文，指就讀小一的兒子班上有一位同學，不斷將文具和玩具排在兒子的桌面上，阻礙他上課，

老師勸極都唔聽，拉開佢去另一邊坐就大叫同喊。

她續指該名同學每日上課都會重複同樣動作，慨嘆「上堂時間咁寶貴」，而兒子亦曾勸喻同學將東西拿走但不獲理會。港媽透露，同學試過上課時突然尖叫和發脾氣，嚇到其他學生，而「老師好似冇特別處理」。

家長認為融合教育缺靈活性

港媽認為現行的融合教育缺乏靈活性，學校應該先處理，有特殊學習需要同學的問題，達至不影響其他學生上課，

其實咁樣嘅話何必要勉強小朋友上主流呢，大家都辛苦。諗諗吓佢對我個仔係冇惡意嘅，我個仔都唔係好識點樣同嗰位同學相處。

帖文一出，引來大批網民回應。有人奉勸樓主包容諒解，「每校每级總有呢類同學，學校一定會處理，慢慢教返佢只是時間問題。家長同學多包容，正如佢自己都唔想，同樣如果自己仔女係咁，你希望其他人係包容還是歧視？！」、「好睇學校有冇為特殊學生提供足夠嘅資源同教材，當然同學嘅包容都重要，咁樣無論係老師，正常同學定特殊同學都冇咁辛苦。」

另外，有網民分享過往相似的經歷，建議港媽可跟兒子一同正面應對，「阿仔有遇過SEN，仲特別鍾意同我個仔玩，因為我個仔對人來者不拒同比較包容，呢啲都係成長中嘅學習。」、「其實呢個係一個好好嘅機會，教導小朋友認識世界。你亦不要太負面。」查看其他網民留言：

▼點擊圖片放大